“Inter” hujumchisi Romelu Lukaku jarohatidan tiklanishni davom ettirmoqda. Belgiya terma jamoasi bosh murabbiyi Roberto Martinesning so‘zlariga ko‘ra, 29 yoshli hujumchi tez orada "neradzurrilar" bilan mashg‘ulotlarni boshlaydi.
Hujumchi Belgiya terma jamoasining Millatlar ligasida bo‘lajak o‘yinlarini o‘tkazib yuboradi.
“Romelu rivojlanmoqda va tiklanish jarayoni yaxshi ketmoqda. Ehtimol, u bir hafta ichida “Inter” mashg‘ulotlariga qaytadi. Ehtiyotkorlik bilan qaror qabul qildik. Buni xavf ostiga qo‘ymaslik yaxshiroqdir, chunki Jahon chempionati oldidan jarohat takrorlanish juda xavfli bo‘ladi", - deya Martinesning so‘zlaridan iqtibos keltiradi Correira Della Sport.
Ayni damda Lukaku "Udineze"ga qarshi navbatdagi o‘yinni hisobga olmaganda jarohati tufayli 6 ta o‘yinni o‘tkazib yubordi.
Lukaku joriy mavsum A Seriyaning 3 ta o‘yinida maydonga tushib, 1 ta gol va 1 ta golli uzatmani amalga oshirdi.