“Интер” ҳужумчиси Ромелу Лукаку жароҳатидан тикланишни давом эттирмоқда. Бельгия терма жамоаси бош мураббийи Роберто Мартинеснинг сўзларига кўра, 29 ёшли ҳужумчи тез орада "нерадзуррилар" билан машғулотларни бошлайди.

Ҳужумчи Бельгия терма жамоасининг Миллатлар лигасида бўлажак ўйинларини ўтказиб юборади.

“Ромелу ривожланмоқда ва тикланиш жараёни яхши кетмоқда. Эҳтимол, у бир ҳафта ичида “Интер” машғулотларига қайтади. Эҳтиёткорлик билан қарор қабул қилдик. Буни хавф остига қўймаслик яхшироқдир, чунки Жаҳон чемпионати олдидан жароҳат такрорланиш жуда хавфли бўлади", - дея Мартинеснинг сўзларидан иқтибос келтиради Correira Della Sport.

Айни дамда Лукаку "Удинезе"га қарши навбатдаги ўйинни ҳисобга олмаганда жароҳати туфайли 6 та ўйинни ўтказиб юборди.

Лукаку жорий мавсум А Сериянинг 3 та ўйинида майдонга тушиб, 1 та гол ва 1 та голли узатмани амалга оширди.