Madridning “Real” klubi yarim himoyachisi Marko Asensio faoliyatini “Barselona”da davom ettirishi mumkin.
Kataloniyaliklar "qaymoqranglilar" bilan shartnomasining so‘nggi yilini o‘tkazayotgan 26 yoshli futbolchi atrofidagi voqealarni kuzatib borishmoqda. Bu haqda Mundo Deportivo xabar bermoqda.
Manbaga ko‘ra, Asensioning agenti Xorxe Mendesh "Barselona" bilan yaxshi munosabatlarga ega, bu esa transfer amalga oshishiga yordam berishi mumkin.
Asensio "Real"ga 2015 yilning yozida kelib qo‘shilgan edi. Joriy mavsumda yarim himoyachi to‘rtta uchrashuvda maydonda bor-yo‘g‘i 47 daqiqa o‘tkazdi va bitta gol urdi. Avvalroq, "Real" prezidenti Florentino Peres jamoa bilan yangi shartnoma imzolashdan bosh tortgani uchun bosh murabbiy Karlo Anchelotti Asensiodan kamroq foydalanishni talab qilgani xabar qilingandi.
