Fransiya terma jamoasi hujumchisi Kilian Mbappe imidj huquqi borasida mahalliy futbol federasiyasi bilan hamon kelisha olmayapti. O‘yinchining o‘zi bu huquqlardan voz kechishni xohlaydi. Bu mojarolar fonida Mbappe Fransiya terma jamoasining seshanba kungi fotosessiyasida ishtirok etishdan bosh tortdi, deya xabar bermoqda L’Equipe nashri.
Sentyabr oyida Fransiya terma jamoasi Millatlar ligasining ikkita uchrashuvini o‘tkazadi. Didye Desham shogirdlari o‘z maydonida Avstriya bilan, mehmonda esa Daniya terma jamoasi bilan o‘ynaydi. Uchrashuvlar 22 va 25 sentyabr kunlari bo‘lib o‘tadi.
