"Manchester Yunayted" bosh murabbiyi Erik ten Xag qishki transfer oynasida rahbariyatdan o‘ng qanot himoyachisiga yangi futbolchi sotib olishni talab qildi. Jurnalist Fabrisio Romanoning fikricha, niderlandiyalik mutaxassis bu pozisiya uchun raqobat yaratmoqchi.
Ayni paytda bu pozisiyada Diogo Dalot o‘ynamoqda. 2019 yilning yozida "Manchester Yunayted" tomonidan 55 million yevro evaziga sotib olingan Aaron Van-Bissaka Ten Xagning rejalariga kiritilmagan.
"Manchester Yunayted"ning transfer maqsadlari orasida hozircha aniq nomlar aytilmagan. Avvalroq klub Serjinyo Destga qiziqqan edi, ammo amerikalik futbolchi "Barselona"dan "Milan"ga ijaraga o‘tgandi.