"Манчестер Юнайтед" бош мураббийи Эрик тен Хаг қишки трансфер ойнасида раҳбариятдан ўнг қанот ҳимоячисига янги футболчи сотиб олишни талаб қилди. Журналист Фабрицио Романонинг фикрича, нидерландиялик мутахассис бу позиция учун рақобат яратмоқчи.
Айни пайтда бу позицияда Диого Далот ўйнамоқда. 2019 йилнинг ёзида "Манчестер Юнайтед" томонидан 55 миллион евро эвазига сотиб олинган Аарон Ван-Биссака Тен Хагнинг режаларига киритилмаган.
"Манчестер Юнайтед"нинг трансфер мақсадлари орасида ҳозирча аниқ номлар айтилмаган. Аввалроқ клуб Сержиньо Дестга қизиққан эди, аммо америкалик футболчи "Барселона"дан "Милан"га ижарага ўтганди.
