«PSJ»ning argentinalik hujumchisi Mauro ikardi oxir-oqibat, Turkiyaga yo‘l oldi.

U bir yillik ijara bitimiga muvofiq, «Galatasaroy» klubi safiga qo‘shildi. Ma’lumotlarga qaraganda, argentinalik futbolchi bu muddatda 6,75 million yevro miqdorida maosh oladi. Shundan 6 millionini «PSJ», 750 mingini Istanbul klubi to‘laydi.

Katta maosh o‘z yo‘liga. Tabiiyki, Ikardining transferi uning rafiiqasi va agenti Vanda Nara xonim aralashuvi bilan amalga oshdi. Buningsiz iloji bormidi o‘zi? Ma’lum qilinishicha, futbolchi faoliyatida katta rol bajarib kelgan Vanda navbatdagi transferda ham o‘z rolini qoyilmaqom darajada uddalagan. Mundo Deportivo nashrida yozilishicha, u turmush o‘rtog‘ining Turkiya Superligasida o‘ynashi uchun «Galatasaroy» oldiga 6ta talab qo‘ygan va ular klub tomonidan qabul qilingan.

Qiziq, Vanda xonim qanday talablarni ilgari surgan? Demak, uning istaklari bilan tanishib chiqamiz: 

1. Sutkasiga 24 soat oila xizmatida bo‘luvchi shaxsiy haydovchi.

2. Maxsus taomnoma asosida Mauro Ikardiga ovqat tayyorlaydigan shaxsiy oshpaz.

3. Ikardilar oilasi uchun xavfsiz va to‘liq jihozlangan shinam uy.

4. Shaxsiy qo‘riqlash xizmati.

5. Mauro Ikardining dekabrgacha yashashi uchun elit mehmonxonadan joy.

6. Vanda va Mauro farzandlari Istanbulda bemalol tahsil olishlari uchun talabga javob beradigan maktab.

«Galatasaroy» bu talablarni barchasini qabul qildi. Demak, endi gap Mauroda qoldi. U Turkiyada biroz xiralashgan faoliyatini qayta jonlantira oladimi? Bunisini vaqt ko‘rsatadi, albatta.