“Yuventus”ning hujumkor yarim himoyachisi Federiko Kyeza muddatidan avval tiklanish jarayonini o‘tkazmoqda. Bu haqda Tuttosport nashri xabar bermoqda.

Taxminlarga ko‘ra, vinger noyabrda safga qaytishi mumkin. Federiko astoydil harakat qilmoqda va imkon qadar tezroq maydonga tushishni istaydi.

Dastlabki taxminlarga ko‘ra, Kyezaning tiklanishi 2023 yil boshiga qoldirilishi kerak edi.

24 yoshli futbolchi joriy mavsum Italiya chempionatida birorta ham o‘yin o‘tkazmadi. So‘nggi mavsumda Federiko 14 ta o‘yinda qatnashib, ikkita gol va ikkita golli uzatmani amalga oshirdi.