"Olimpiakos" himoyachisi Kostas Manolas faoliyatini BAAda davom ettiradi, deya xabar beradi jurnalist Fabrisio Romano.
Manba bergan xabarga ko‘ra, 31 yoshli gresiyalik futbolchi "Sharja" bilan shartnoma imzolaydi. Tomonlar allaqachon shaxsiy kelishuv shartlarini kelishib olishgan.
Avvalroq, “Roma”, “Yuventus” va “Barselona” klublarining sobiq yarim himoyachisi Miralem Pyanich hamda “Valensiya”, “Barselona” va “Vilyarreal” klublarining sobiq hujumchisi Pako Alkaser “Sharja”ga ko‘chib o‘tgandi.
Manolas o‘tgan mavsumda "Olimpiakos" tarkibida 14 ta o‘yinda maydonga tushib, 3 ta sariq kartochka olgan.