"Олимпиакос" ҳимоячиси Костас Манолас фаолиятини БААда давом эттиради, дея хабар беради журналист Фабрицио Романо.
Манба берган хабарга кўра, 31 ёшли грециялик футболчи "Шаржа" билан шартнома имзолайди. Томонлар аллақачон шахсий келишув шартларини келишиб олишган.
Аввалроқ, “Рома”, “Ювентус” ва “Барселона” клубларининг собиқ ярим ҳимоячиси Миралем Пьянич ҳамда “Валенсия”, “Барселона” ва “Вильярреал” клубларининг собиқ ҳужумчиси Пако Алькасер “Шаржа”га кўчиб ўтганди.
Манолас ўтган мавсумда "Олимпиакос" таркибида 14 та ўйинда майдонга тушиб, 3 та сариқ карточка олган.
