Millatlar ligasi guruh bosqichi 5-turidan o‘rin olgan Germaniyaga (1:0) qarshi o‘yinda g‘alaba to‘pini kiritgan vengriyalik hujumchi Adam Salai uchrashuvdan so‘ng OAVga intervyu berdi.
“Germaniya terma jamoasi ustidan qozonilgan g‘alabadan juda faxrlanaman. Bu biz uchun shunchaki aql bovar qilmaydigan natija. Biroq, jamoamiz har kuni juda ko‘p ish qiladi, shuning uchun bu tasodif emas", - dedi hujumchi UYEFA matbuot xizmatiga.
Millatlar ligasi guruh bosqichining besh turidan so‘ng Vengriya terma jamoasi o‘n ochko jamg‘arib, eng yaqin ta’qibchisidan 2 ochkolik farq bilan guruh jadvalida peshqadamlik qilmoqda.
