"Bayer"ga tegishli bo‘lgan chililik tajribali yarim himoyachi Charles Arangis Yevropani tark etishi mumkin. La Cancha nashri xabariga ko‘ra, 33 yoshli futbolchida faoliyatini Janubiy Amerikada davom ettirish imkoniyatlari bor.
Manbaga ko‘ra, futbolchiga bir vaqtning o‘zida Braziliyaning bir nechta klublari qiziqish bildirmoqda. Aranguis uchun "Atletiko Mineyro", "Korintians" va "Palmeyras" kurash olib boradi. Chililik futbolchi kelasi yozda erkin agentga aylanadi.
Charles nemis jamoasida 2015 yilning avgust oyidan beri o‘ynab kelmoqda. Germaniya chempionatining joriy mavsumida u yettita o‘yin o‘tkazib, bitta gol urgan.
