Millatlar ligasi guruh bosqichining beshinchi turidan o‘rin olgan uchrashuvda Portugaliya terma jamoasi Chexiyani 4:0 hisobida mag‘lub etdi. Uchrashuv yakunlangach, portugaliyaliklar bosh murabbiyi Fernandu Santush o‘z shogirdlarining ko‘rsatgan o‘yini haqida fikr bildirdi.
"Darvozamiz tomon burchak to‘plarini hisobga olmaganda biz birinchi bo‘limni juda yaxshi o‘tkazdik, ba’zida konsentrasiyani yo‘qotib qo‘ydik. Bu mening futbolchilarim hozir qo‘llaridan kelganini qilmayotgan jihatlardan biri. Uchinchi golimizdan so‘ng o‘yin sekinlashdi, ammo bu o‘yinning bunday kechishi uchun normal holat", - dedi Santush UYEFA matbuot xizmatiga.
Portugaliya so‘nggi turda Ispaniyani qabul qiladi.
