Italiyalik mutaxassis Klaudio Ranyeri A Seriyadagi chempionlik poygasi haqidagi fikrlari bilan o‘rtoqlashdi.

"Hozir Skudetto g‘olibini oldindan aytib bo‘lmaydi, oldinda hali ko‘p o‘yinlar bor. Qatarda bo‘lib o‘tadigan Jahon chempionatining final qismi munosabati bilan sezilarli tanaffusni hisobga olsak, bu mavsum o‘zgacha bo‘ladi.

"Milan" va "Napoli" ligani ajoyib tarzda boshlashdi. "Atalanta" tarkibidagi sezilarli o‘zgarishlarga qaramay, hozirda turnir jadvalida birinchi o‘rinda bormoqda. Bu jamoa ajoyib. "Inter" va "Yuventus" mavsumni yomon boshlandi, ammo ularni e’tiborsiz qoldirmaslik va muddatidan oldin safdan chiqarmaslik kerak. Ishonchim komilki, ular jangga qaytishadi.

Undan keyin Joze Mourinyoning “Roma”si bor: bunday jamoa doim oxirigacha kurashadi. Ishonch bilan ayta olamanki, bu jamoalarning barchasi chempionlik unvoni uchun kurashadi, ehtimol oxirgi turga qadar”, - dedi Ranyeri.