Италиялик мутахассис Клаудио Раньери А Сериядаги чемпионлик пойгаси ҳақидаги фикрлари билан ўртоқлашди.

"Ҳозир Скудетто ғолибини олдиндан айтиб бўлмайди, олдинда ҳали кўп ўйинлар бор. Қатарда бўлиб ўтадиган Жаҳон чемпионатининг финал қисми муносабати билан сезиларли танаффусни ҳисобга олсак, бу мавсум ўзгача бўлади.

"Милан" ва "Наполи" лигани ажойиб тарзда бошлашди. "Аталанта" таркибидаги сезиларли ўзгаришларга қарамай, ҳозирда турнир жадвалида биринчи ўринда бормоқда. Бу жамоа ажойиб. "Интер" ва "Ювентус" мавсумни ёмон бошланди, аммо уларни эътиборсиз қолдирмаслик ва муддатидан олдин сафдан чиқармаслик керак. Ишончим комилки, улар жангга қайтишади.

Ундан кейин Жозе Моуриньонинг “Рома”си бор: бундай жамоа доим охиригача курашади. Ишонч билан айта оламанки, бу жамоаларнинг барчаси чемпионлик унвони учун курашади, эҳтимол охирги турга қадар”, - деди Раньери.