Ispaniya terma jamoasi bosh murabbiyi Luis Enrike kecha bo‘lib o‘tgan Millatlar ligasi doirasida Shveysariyaga qarshi o‘yinda (1:2) o‘z futbolchilarining o‘yiniga baho berdi.

"Mag‘lub bo‘lish har doim og‘riq keltiradi. Lekin raqibga baho berish kerak, ular doim xavfli bo‘lishdi, yaxshi pressing qilishdi, birinchi bo‘limimiz esa juda omadsiz o‘tdi. Men juda ko‘p texnik xatolarga yo‘l qo‘ygan o‘yinimizni eslay olmayman, ayniqsa ikkita burchak to‘pidan keyin gol o‘tkazib yuborganimizni. Butun o‘yinning aksi shundaki, Jordi hisobni tenglashtirdi, keyin esa deyarli darhol gol o‘tkazib yubordik.

Mag‘lubiyatga uchrasangiz, tahlil qilasiz va o‘rganasiz. Takror aytaman, ishim davomida bunchalik ko‘p xatoga yo‘l qo‘ygan birorta ham o‘yinni eslolmayman. Endi biz faqat Portugaliya ustidan g‘alaba qozonishimiz kerak. Biz ijobiy tomonlarni qidiramiz, so‘nggi o‘yinda g‘alaba qozonishga intilamiz va Jahon chempionati uchun o‘rganganlarimizni sarhisob qilamiz" - dedi Enrike.