Испания терма жамоаси бош мураббийи Луис Энрике кеча бўлиб ўтган Миллатлар лигаси доирасида Швейцарияга қарши ўйинда (1:2) ўз футболчиларининг ўйинига баҳо берди.
"Мағлуб бўлиш ҳар доим оғриқ келтиради. Лекин рақибга баҳо бериш керак, улар доим хавфли бўлишди, яхши прессинг қилишди, биринчи бўлимимиз эса жуда омадсиз ўтди. Мен жуда кўп техник хатоларга йўл қўйган ўйинимизни эслай олмайман, айниқса иккита бурчак тўпидан кейин гол ўтказиб юборганимизни. Бутун ўйиннинг акси шундаки, Жорди ҳисобни тенглаштирди, кейин эса деярли дарҳол гол ўтказиб юбордик.
Мағлубиятга учрасангиз, таҳлил қиласиз ва ўрганасиз. Такрор айтаман, ишим давомида бунчалик кўп хатога йўл қўйган бирорта ҳам ўйинни эслолмайман. Энди биз фақат Португалия устидан ғалаба қозонишимиз керак. Биз ижобий томонларни қидирамиз, сўнгги ўйинда ғалаба қозонишга интиламиз ва Жаҳон чемпионати учун ўрганганларимизни сарҳисоб қиламиз" - деди Энрике.
