Madridning “Real” klubi “Inter” himoyachisi Milan Shkrinyar atrofidagi vaziyatni kuzatib bormoqda, uning jamoa bilan shartnomasi mavsum oxirida yakunlanadi, deb xabar beradi Mundo Deportivo.
Yozda 27 yoshli slovakiyalik futbolchi "PSJ"ga o‘tishi mumkin edi, biroq klublar transfer summasi borasida kelisha olishmadi.
Oldinroq "Inter" endi himoyachi bilan shartnomani uzaytirmoqchi va Shkrinyarni klubning eng ko‘p maosh oluvchi futbolchisiga aylantirishi mumkinligi haqida xabar berilgandi.
Shkrinyar o‘tgan mavsumda "Inter" safida 48 ta o‘yinda 4 ta gol urgan. U joriy mavsumda 8 ta o‘yinda maydonga tushdi. Transfermarkt portali futbolchining narxini 65 million yevroga baholamoqda.
