“Yuventus” klubi va Fransiya terma jamoasi yarim himoyachisi Pol Pogba tizzasidan operasiya qilinganiga qaramay, kelasi oy maydonga qaytishga umid qilmoqda, deya xabar beradi Tuttosport.

29 yoshli Pogba 25 oktyabr kuni Chempionlar ligasida "Benfika"ga qarshi o‘ynash uchun maydonga qaytishga umid qilmoqda.

Yarim himoyachi ayni damda tiklanishning ikkinchi bosqichiga o‘tmoqda, suzish va trenajyor mashg‘ulotlaridan maydonda mashq qilishga o‘tmoqda.

Pogba shu yozda “Yuventus”ga tekinga o‘tdi va klub bilan 4 yillik shartnoma imzoladi.

Fransiya terma jamoasi bosh murabbiyi Didye Desham Pogbaning JCH-2022da terma jamoaga qo‘shilishi uchun o‘z formasini tiklashi kerakligini aytgandi.