“Ювентус” клуби ва Франция терма жамоаси ярим ҳимоячиси Поль Погба тиззасидан операция қилинганига қарамай, келаси ой майдонга қайтишга умид қилмоқда, дея хабар беради Tuttosport.
29 ёшли Погба 25 октябрь куни Чемпионлар лигасида "Бенфика"га қарши ўйнаш учун майдонга қайтишга умид қилмоқда.
Ярим ҳимоячи айни дамда тикланишнинг иккинчи босқичига ўтмоқда, сузиш ва тренажёр машғулотларидан майдонда машқ қилишга ўтмоқда.
Погба шу ёзда “Ювентус”га текинга ўтди ва клуб билан 4 йиллик шартнома имзолади.
Франция терма жамоаси бош мураббийи Дидье Дешам Погбанинг ЖЧ-2022да терма жамоага қўшилиши учун ўз формасини тиклаши кераклигини айтганди.