"Fulxem"ning umidli yarim himoyachisi Lyuk Xarris faoliyatini boshqa ingliz jamoasida davom ettirishi mumkin. The Mirror tabloidiga ko‘ra, futbolchiga Londonning "Chelsi" klubi qiziqish bildirmoqda.
Manbaning qayd etishicha, tomonlar muzokaralarga kirishgan va transfer bo‘yicha kelishuvga yaqin turibdi. 17 yoshli Xarrisning transferi “pensionerlar” rahbariyatiga 27 million yevroga tushadi. Yana besh million bonus sifatida qo‘shimcha to‘lashi mumkin.
Xarris hozirda "Fulxem" U21 jamoasida o‘ynamoqda. Yoshlar jamoasi tarkibida yarim himoyachi uchta o‘yin o‘tkazib, to‘rtta gol urdi.
Premyer-ligada oltita o‘yindan so‘ng "Chelsi" o‘n ochko bilan turnir jadvalida yettinchi o‘rinda bormoqda.
