"Фулхэм"нинг умидли ярим ҳимоячиси Люк Харрис фаолиятини бошқа инглиз жамоасида давом эттириши мумкин. The Mirror таблоидига кўра, футболчига Лондоннинг "Челси" клуби қизиқиш билдирмоқда.
Манбанинг қайд этишича, томонлар музокараларга киришган ва трансфер бўйича келишувга яқин турибди. 17 ёшли Харриснинг трансфери “пенсионерлар” раҳбариятига 27 миллион еврога тушади. Яна беш миллион бонус сифатида қўшимча тўлаши мумкин.
Харрис ҳозирда "Фулхэм" U21 жамоасида ўйнамоқда. Ёшлар жамоаси таркибида ярим ҳимоячи учта ўйин ўтказиб, тўртта гол урди.
Премьер-лигада олтита ўйиндан сўнг "Челси" ўн очко билан турнир жадвалида еттинчи ўринда бормоқда.