"Tottenxem" yarim himoyachisi Deyan Kulushevski Turinning "Yuventus" jamoasida o‘zini baxtli his qilmaganini tan oldi. Eslatib o‘tamiz, shved 2022 yilning yanvarida "keksa sinyora"ni tark etgan va 35 million yevroga sotib olish huquqi bilan "shporlar"ga ijaraga o‘tgan edi.
“Men “Yuventus”da baxtli emasdim, shuning uchun “Tottenxem”ga o‘tish qarorim men uchun to‘g‘ri bo‘ldi. Antonio Konte boshchiligida ishlashda davom etayotganimdan juda xursandman. Menga ishoning, umrimda Kontedan ko‘ra kuchliroq odamni ko‘rmaganman. Uning so‘zlari to‘g‘ridan-to‘g‘ri yuragingizga kiradi", - deya futbolchining so‘zlaridan iqtibos keltiradi La Gazzetta dello Sport.
