Madridning “Real” klubi yarim himoyachisi Eden Azar, kecha Belgiya terma jamoasi safida Millatlar ligasida Niderlandiyaga qarshi uchrashuvida olgan jarohatiga qaramay, Ispaniya chempionati doirasidagi “Osasuna”ga qarshi o‘yinda ishtirok etishga tayyor bo‘ladi.
Jurnalist Mario Kortexananing fikricha, Azarning jarohati jiddiy emas. Futbolchi yengil jarohat bilan qutulib qoldi, shuning uchun u La Liganing keyingi turida "Osasunaga" qarshi o‘yinga tayyor bo‘ladi.
Eslatib o‘tamiz, yangi mavsumda Azar Chempionlar ligasida Shotlandiyaning "Seltik" klubiga qarshi o‘yinda bitta gol urdi. Ispaniya chempionatida futbolchi uchta jangda maydonga tushdi.
