Ispaniya terma jamoasi bosh murabbiyi Luis Enrike Millatlar ligasining 6-turi doirasidagi Portugaliya terma jamoasiga qarshi bo‘lajak uchrashuvdan oldingi fikrlari bilan o‘rtoqlashdi.
Enrike Sport.es nashriga bergan intervyusida jamoa finaldagidek o‘yinga hozirlik ko‘rayotgani, yakuniy turnir jadvalida turli variantlar bor, shuning uchun bunday kuchli jamoaga qarshi tavakkal qilish mumkinligini va qo‘rqmaslik kerakligini aytdi.
Portugaliyada nafaqat Krishtianu Ronaldu, balki boshqa ko‘plab tajribali futbolchilar borligini, ular ham Ispaniya kabi guruh favoritlari ekanligini qo‘shimcha qildi.
Portugaliya va Ispaniya terma jamoalari o‘rtasidagi uchrashuv ertaga, 27 sentyabr kuni Toshkent vaqti bilan 23:45da boshlanadi.
