Angliya terma jamoasi hujumchisi Xarri Keyn yana bir tarixiy marraga erishmoqchi.

"Tottenxem" hujumchisi Germaniyaga qarshi Millatlar ligasining bugungi o‘yinida asosiy tarkibdan joy oldi. Opta portali xabariga ko‘ra, Keyn o‘z terma jamoasini 50-marta sardorlik bog‘ichi ostida maydonga olib chiqadi. Bungacha faqat Bobbi Mur (90), Billi Rayt (90), Brayan Robson (64) va Devid Bekxemlar (59) eng ko‘p marta Angliya terma jamoasini sardorlik bog‘isi ostida maydonga olib tushgandi.

Umuman olganda, Xarri Keyn 2015 yildagi debyutidan beri Angliya terma jamoasi safida 73 ta o‘yin o‘tkazgan. 29 yoshli hujumchi terma jamoa safida ilk bor 2017 yilda Shotlandiya terma jamoasiga qarshi o‘yinda sardorlik bog‘ichida maydonga tushgan.