"Arsenal" yana "Aston Villa"ning braziliyalik himoyachi Duglas Luisni o‘z safiga qo‘shib olmoqchi. Fichajes portali xabariga ko‘ra, "kanonirlar" qishki transfer oynasi ochilganda futbolchining nomzodiga qaytadi.

Ushbu yozda "Arsenal" rahbariyati futbolchini qo‘lga kiritish istagi bilan ikki marta "Aston Villa"ga murojaat qilgan, biroq har ikki safar ham taklif rad etilgan. Avvaliga "kanonirlar" 28 million yevro, keyin esa 33,6 million yevro taklif qilishdi. Biroq "Arsenal" birmingemliklarning talablarini qondiradigan taklif bilan chiqa olmadi, hozirda futbolchiga "Chelsi" va "Barselona" ham da’vogarlik qilmoqda.

24 yoshli Luis 2019 yilning yozida "Manchester Siti"dan "Aston Villa"ga o‘tgan edi. Yarim himoyachi joriy mavsumda yettita o‘yinda ikkita gol urdi.