"Арсенал" яна "Астон Вилла"нинг бразилиялик ҳимоячи Дуглас Луисни ўз сафига қўшиб олмоқчи. Fichajes портали хабарига кўра, "канонирлар" қишки трансфер ойнаси очилганда футболчининг номзодига қайтади.

Ушбу ёзда "Арсенал" раҳбарияти футболчини қўлга киритиш истаги билан икки марта "Астон Вилла"га мурожаат қилган, бироқ ҳар икки сафар ҳам таклиф рад этилган. Аввалига "канонирлар" 28 миллион евро, кейин эса 33,6 миллион евро таклиф қилишди. Бироқ "Арсенал" бирмингемликларнинг талабларини қондирадиган таклиф билан чиқа олмади, ҳозирда футболчига "Челси" ва "Барселона" ҳам даъвогарлик қилмоқда.

24 ёшли Луис 2019 йилнинг ёзида "Манчестер Сити"дан "Астон Вилла"га ўтган эди. Ярим ҳимоячи жорий мавсумда еттита ўйинда иккита гол урди.