Superliganing 20-turidan o‘rin olgan "Qizilqum" - "Metallurg" (0:1) uchrashuvidan so‘ng mehmonlar bosh murabbiyi Luisma Ernandes matbuot anjumanida ishtirok etdi.

- Qattiq mehnat qilishda, ishlashda davom etayapmiz. O‘tgan haftada o‘tkazilgan mashg‘ulotlarimizdan ko‘nglim to‘ldi. Biz har qanday jamoa bilan o‘ynashga tayyormiz, bunga mana asta-sekinlik bilan erishayapmiz. Shu bilan bir navbatda, e’tirof etish joiz, "Qizilqum" bugungi o‘yinda juda shijoat bilan harakat qildi. Bu maydonda avval ham g‘alaba qozongandik. Yana bir gapni aytish joiz, "Metallurg" klubi o‘z oldiga qo‘ygan maqsadlarga birma-bir erishib bormoqda.

- Jamoa ketma-ket kuchli raqiblarni mag‘lub etdi. Bu g‘alabalar nimaning evaziga qo‘lga kiritildi deb o‘ylaysiz?

- Yozgi tanaffusdan so‘ng klubda katta va ijobiy o‘zgarishlarga qo‘l urdik. Tarkibga yangi futbolchilar jalb etildi. Hozirgi kunda jamoamizda o‘yin davomida g‘alabaga bo‘lgan intilish juda yuqori. Bundan tashqari murabbiylar shtabi tomonidan amalga oshirilayotgan ishlar ham meni har tomonlama qoniqtirmoqda.

- Jamoa Superligadagi o‘rnini saqlab qoldi. Oldindagi o‘yinlarda ham hujumkor uslubni saqlab qolasizmi?

- Biz har bir o‘yinga g‘alaba uchun maydonga chiqamiz. Uslub har bir uchrashuvda har-xil bo‘lishi mumkin. Balki hujumkor, balki himoyaviy, lekin bizning rejalar hammasi g‘alabaga qaratiladi.

- Muhammadali Aliqulovning birinchi bo‘limdayoq almashtirilishi nima bilan bog‘liq? Futbolchi jarohat oldimi?

- Ha, jarohat sababli almashtirdik. Unda ozgina bezovtalik bor edi. Shu sabab tavakkal qilishni istamadik. Bugungi o‘yinda zaxira futbolchilarimizdan ham mamnun bo‘ldim.

- Zabihullo O‘rinboyevning o‘yinlari haqida fikringiz qanday?

- Zabihulloning bugungi o‘yinidan mamnunman. U mashg‘ulotlarda ham astoydil ishlayapti. U "Paxtakor"ga ham, bugun "Qizilqum"ga ham juda chiroyli gol urdi" - dedi Luisma Ernandes.