Tvitterda futboldagi asosiy individual sovrin "oltin to‘p" uchun ovoz berish natijalari aks etgan skrinshot tarqaldi. Surat, shu qatorda Amerikaning mashhur Barstool Football resursining rasmiy akkauntida e’lon qilingan.
Ushbu ma’lumotlarga ko‘ra, 2022 yilda "Real"ning to‘rt nafar futbolchisi "oltin to‘p"ga da’vogarlar 10taligiga kiradi va "qaymoqranglilar" hujumchisi Karim Benzema sovrinni qo‘lga kiritadi.
Vinisius to‘rtinchi, Modrich sakkizinchi va Tibo Kurtua o‘ninchi o‘rinni egallaydi.
Bu ma’lumotlar haqiqatga to‘liq mos kelishi dargumon, ammo Benzema "oltin to‘p" sohibiga aylanishiga deyarli hech kim shubha qilmaydi.
