“Manchester Yunayted” boshqaruvchisi Erik ten Xag sentyabr oyida Premyer-ligada eng yaxshi murabbiy deb topildi. Bu haqda Premyer-liga matbuot xizmati xabar bermoqda.
O‘tgan oyda "Manchester Yunayted" Premyer-ligada atigi ikkita o‘yin o‘tkazdi. Erik ten Xag shogirdlari mehmonda “Lester”ni 1:0, o‘z maydonida “Arsenal”ni 3:1 hisobida mag‘lub etishdi. “Qizil iblislar”ning navbatdagi ikkita o‘yini qirolicha Yelizaveta IIning o‘limi tufayli qoldirildi.
"Manchester Yunayted" ayni damda APL turnir jadvalida 5-o‘rinni egallab turibdi. Peshqadam “Arsenal”dan Erik ten Xag jamoasi olti ochko ortda qolmoqda.