“Манчестер Юнайтед” бошқарувчиси Эрик тен Хаг сентябрь ойида Премьер-лигада энг яхши мураббий деб топилди. Бу ҳақда Премьер-лига матбуот хизмати хабар бермоқда.
Ўтган ойда "Манчестер Юнайтед" Премьер-лигада атиги иккита ўйин ўтказди. Эрик тен Хаг шогирдлари меҳмонда “Лестер”ни 1:0, ўз майдонида “Арсенал”ни 3:1 ҳисобида мағлуб этишди. “Қизил иблислар”нинг навбатдаги иккита ўйини қиролича Елизавета IIнинг ўлими туфайли қолдирилди.
"Манчестер Юнайтед" айни дамда АПЛ турнир жадвалида 5-ўринни эгаллаб турибди. Пешқадам “Арсенал”дан Эрик тен Хаг жамоаси олти очко ортда қолмоқда.