Argentina terma jamoasi va Fransiyaning "PSJ" klubi hujumchisi Lionel Messining shaxsiy samolyoti joriy yilning 1 iyunidan 31 avgustiga qadar havoda 368 soat bo‘lgan 52 ta parvozni amalga oshirdi. Ushbu parvozlarning 30 tasi qit’alararo, 14 tasi esa transatlantik parvozlar bo‘lgan.
Bu parvozlar bilan Messining samolyoti yozda atmosferaga 1502 tonna CO2 chiqargan, deb yozadi L'Équipe nashri. Buni amalga oshirish uchun oddiy bir fransiya fuqarosiga o‘rtacha 150 yil kerak bo‘ladi.
Lionel har doim ham bortda bo‘lmagan. U ko‘pincha samolyotni oilasi va do‘stlariga foydalanish uchun beradi. Qizig‘i shundaki, Messi "Barselona" bilan muzokaralar chog‘ida klubdan Argentinaga Rojdestvo bayrami uchun samolyot talab qilgan.
