Аргентина терма жамоаси ва Франциянинг "ПСЖ" клуби ҳужумчиси Лионель Мессининг шахсий самолёти жорий йилнинг 1 июнидан 31 августига қадар ҳавода 368 соат бўлган 52 та парвозни амалга оширди. Ушбу парвозларнинг 30 таси қитъалараро, 14 таси эса трансатлантик парвозлар бўлган.
Бу парвозлар билан Мессининг самолёти ёзда атмосферага 1502 тонна CО2 чиқарган, деб ёзади L'Équipe нашри. Буни амалга ошириш учун оддий бир франция фуқаросига ўртача 150 йил керак бўлади.
Лионель ҳар доим ҳам бортда бўлмаган. У кўпинча самолётни оиласи ва дўстларига фойдаланиш учун беради. Қизиғи шундаки, Месси "Барселона" билан музокаралар чоғида клубдан Аргентинага Рождество байрами учун самолёт талаб қилган.
