Transfermarkt portali 1992 yildan buyon yevrokuboklarda eng ko‘p o‘yinda g‘alaba nashidasini surgan 10 nafar murabbiy reytingini tuzib chiqdi.

Gap shundaki, «Roma» YEL 2-turida Finlyandiyaning XIK klubidan ustun keldi va jamoa bosh murabbiyi Joze Mourinyo tahlil uchun olingan darvrdagi g‘alabalar soni bo‘yicha afsonaviy ser Aleks Fergyusonga yetib oldi.

Demak, XIK ustidan qozonilgan g‘alaba portugaliyalik mutaxasis uchun 1992 yildan buyon Yevropa klublari xalqaro turnirlarida qayd etilgan 106-yutuq bo‘ldi. Shotlandiyalik afsona ham shuncha g‘alabaga ega. Xullas, «Benazir» YEL 3-turidan so‘ng bu borada mutlaq yetakchi bo‘lib olishi mumkin. Buning uchun «bo‘rilar» 6 oktyabr kuni o‘z maydonlarida «Betis»ni yengsalar, bas. To‘g‘ri, ikki peshqadamni ta’qib etayotgan «Real» bosh murabbiyi Karlo Anchelotti hisobida 105ta g‘alaba borligini ham aytish o‘rinli.