"Bavariya" ikki futbolchisini yo‘qotdi - Tomas Myuller va Joshua Kimmix shanba kuni koronavirus uchun topshirgan testlari ijobiy chiqdi. Bu haqda myunxenliklar klubi rasmiy sayti xabar berdi.
Qayd etilishicha, Myuller va Kimmixda kasallik alomatlari yo‘q. Biroq, futbolchilar bir muncha vaqtni uyda yakka holda o‘tkazishadi.
Juma oqshomida "Bavariya" o‘z maydonida "Bayer"ni yirik - 4:0 hisobida mag‘lub etdi. Tomas Myuller gollardan birining muallifiga aylandi. Hozir Myunxenliklar Chempionlar ligasi doirasida Plzenning "Viktoriya"ga qarshi o‘yinga tayyorgarlik ko‘rmoqda, bu o‘yindan so‘ng Dortmundning "Borussiya" jamoasiga qarshi bahs olib boradi.
