"Бавария" икки футболчисини йўқотди - Томас Мюллер ва Жошуа Киммих шанба куни коронавирус учун топширган тестлари ижобий чиқди. Бу ҳақда мюнхенликлар клуби расмий сайти хабар берди.
Қайд этилишича, Мюллер ва Киммихда касаллик аломатлари йўқ. Бироқ, футболчилар бир мунча вақтни уйда якка ҳолда ўтказишади.
Жума оқшомида "Бавария" ўз майдонида "Байер"ни йирик - 4:0 ҳисобида мағлуб этди. Томас Мюллер голлардан бирининг муаллифига айланди. Ҳозир Мюнхенликлар Чемпионлар лигаси доирасида Пльзеннинг "Виктория"га қарши ўйинга тайёргарлик кўрмоқда, бу ўйиндан сўнг Дортмунднинг "Боруссия" жамоасига қарши баҳс олиб боради.
