"Manchester Siti" hujumchi Erling Xoland bilan yangi shartnoma imzolamoqchi, deb xabar beradi The Daily Star.

Manba bergan xabarga ko‘ra, "shaharliklar" rahbariyati 22 yoshli norvegiyalik futbolchining jamoadagi ilk o‘yinlarida o‘zini qanday ko‘rsatganidan mamnun va buning uchun uni mukofotlash niyatida. 2023 yilning may oyida yangi shartnoma tuzilishi kutilmoqda.

Xoland “Manchester Siti”ga 2022 yilning iyulida “Borussiya Dortmund”dan kelib qo‘shilgan edi. Uning amaldagi shartnomasiga ko‘ra, futbolchi haftasiga 375 ming funt maosh oladi va yarim himoyachi Kevin De Bryuyne bilan birga klubning eng ko‘p maosh oluvchi futbolchisi hisoblanadi.

2022/23 yilgi mavsumda Xoland “Manchester Siti” safida 10 ta o‘yinda maydonga tushib, 14 ta gol urdi va 1 ta golli uzatmani amalga oshirdi.