"Манчестер Сити" ҳужумчи Эрлинг Холанд билан янги шартнома имзоламоқчи, деб хабар беради The Daily Star.
Манба берган хабарга кўра, "шаҳарликлар" раҳбарияти 22 ёшли норвегиялик футболчининг жамоадаги илк ўйинларида ўзини қандай кўрсатганидан мамнун ва бунинг учун уни мукофотлаш ниятида. 2023 йилнинг май ойида янги шартнома тузилиши кутилмоқда.
Холанд “Манчестер Сити”га 2022 йилнинг июлида “Боруссия Дортмунд”дан келиб қўшилган эди. Унинг амалдаги шартномасига кўра, футболчи ҳафтасига 375 минг фунт маош олади ва ярим ҳимоячи Кевин Де Брюйне билан бирга клубнинг энг кўп маош олувчи футболчиси ҳисобланади.
2022/23 йилги мавсумда Холанд “Манчестер Сити” сафида 10 та ўйинда майдонга тушиб, 14 та гол урди ва 1 та голли узатмани амалга оширди.
