Kecha, 1 oktyabr kuni Angliya Premyer-ligasining 9-turi doirasidagi o‘yinda “Arsenal” o‘z maydonida “Tottenxem”ni qabul qildi. Uchrashuv Londondagi “Emireyts” stadionida bo‘lib o‘tdi va mezbonlarning 3:1 hisobidagi g‘alabasi bilan yakunlandi.
O‘yin yakunlangach, “kanonirlar”ning ukrainalik yarim himoyachisi Aleksandr Zinchenko o‘z klubining g‘alabasiga munosabat bildirdi.
“Shimoliy London qizil rangda. Muhim uch ochko. Oldinda hali uzoq yo‘l bor. Davom eting, "to‘pchilar". Muxlislarning qo‘llab-quvvatlashi ajoyib edi”, — deb yozdi Zinchenko ijtimoiy tarmoqlarida.
Eslatib o‘tamiz, kechagi o‘yinda Zinchenko 73 daqiqani maydonda o‘tkazib, samarali harakatlarni amalga oshirmadi.
