Кеча, 1 октябрь куни Англия Премьер-лигасининг 9-тури доирасидаги ўйинда “Арсенал” ўз майдонида “Тоттенхэм”ни қабул қилди. Учрашув Лондондаги “Эмирейтс” стадионида бўлиб ўтди ва мезбонларнинг 3:1 ҳисобидаги ғалабаси билан якунланди.
Ўйин якунлангач, “канонирлар”нинг украиналик ярим ҳимоячиси Александр Зинченко ўз клубининг ғалабасига муносабат билдирди.
“Шимолий Лондон қизил рангда. Муҳим уч очко. Олдинда ҳали узоқ йўл бор. Давом этинг, "тўпчилар". Мухлисларнинг қўллаб-қувватлаши ажойиб эди”, — деб ёзди Зинченко ижтимоий тармоқларида.
Эслатиб ўтамиз, кечаги ўйинда Зинченко 73 дақиқани майдонда ўтказиб, самарали ҳаракатларни амалга оширмади.
