Angliya Premer-ligasi 9-turining so‘nggi o‘yinida "Lester" va "Nottingem Forest" to‘qnash keldi va o‘yinda "tulkilar" 4:0 hisobida zafar quchdi. Natijada “Lester” mavsumdagi ilk g‘alabasini qo‘lga kiritdi."Lester" bosh murabbiyi Brendan Rojers jamoasining muvaffaqiyati haqida fikr bildirdi:
"Umid qilamanki, bu o‘yin mavsumimiz uchun burilish nuqtasi bo‘ladi. Bu nafaqat g‘alaba, balki o‘yinning o‘zi ham. Biz aql bovar qilmaydigan darajada shiddatli o‘ynadik. Futbolchilar uchun ham, ushbu o‘yin oldidan jabr ko‘rgan muxlislar uchun ham juda xursandman. Biz ular uchun g‘alaba qozondik", - deya Rojersdan iqtibos keltiradi BBC Sport.
