Madridning “Real” klubi o‘ng qanot himoyachisi Dani Karvaxal “Osasuna” bilan Ispaniya chempionatining so‘nggi tur uchrashuvida penaltidan foydalana olmagan Karim Benzemani muxlislarning tanqididan himoya qildi.
"Benzemani tanqid qilyapsizmi? Jahon futboli qanday ekanligini hammamiz bilamiz. Bir nechta yomon o‘yindan keyin siz tanqidga duch kelyapsiz. Karim ertaga vaziyatni o‘zgartirishi mumkin. "Osasuna" darvozasiga urilmagan penalti? Menimcha, Benzema hali ham juda xafa. Gap almashtirib bo‘lmas futbolchi haqida ketyapti", - dedi Karvaxal matbuot anjumanida.
Eslatib o‘tamiz, Benzema avvalroq jarohat tufayli bir necha haftani o‘tkazib yuborgan edi. "Osasuna" bilan uchrashuv fransiyalik futbolchining so‘nggi oydagi birinchi o‘yini bo‘ldi.
