Мадриднинг “Реал” клуби ўнг қанот ҳимоячиси Дани Карвахаль “Осасуна” билан Испания чемпионатининг сўнгги тур учрашувида пенальтидан фойдалана олмаган Карим Бенземани мухлисларнинг танқидидан ҳимоя қилди.
"Бенземани танқид қиляпсизми? Жаҳон футболи қандай эканлигини ҳаммамиз биламиз. Бир нечта ёмон ўйиндан кейин сиз танқидга дуч келяпсиз. Карим эртага вазиятни ўзгартириши мумкин. "Осасуна" дарвозасига урилмаган пенальти? Менимча, Бензема ҳали ҳам жуда хафа. Гап алмаштириб бўлмас футболчи ҳақида кетяпти", - деди Карвахаль матбуот анжуманида.
Эслатиб ўтамиз, Бензема аввалроқ жароҳат туфайли бир неча ҳафтани ўтказиб юборган эди. "Осасуна" билан учрашув франциялик футболчининг сўнгги ойдаги биринчи ўйини бўлди.
