Turinning “Yuventus” jamoasi ikki mag‘lubiyatdan so‘ng joriy Chempionlar ligasida ilk g‘alabasini qo‘lga kiritib, Isroilning “Makkabi”siga imkoniyat qoldirmadi. Rabio va Vlahovich tomonidan kiritilgan gollar Massimiliano Allegri jamoasining muvaffaqiyatini ta’minladi. Serbiyalik hujumchi muvaffaqiyat haqida fikr bildirdi.
"Uchrashuvga to‘g‘ri tayyorlandik. G‘alaba qozonganimizdan xursandman, lekin ko‘proq gol urishim mumkin edi. Di Mariya bilan o‘ynash men uchun baxt, bu albatta sharafdir. Biz hammamiz undan o‘rganamiz", deya Vlahovichdan iqtibos keltiradi Juvenews.
Chempionlar ligasi guruh bosqichining navbatdagi, to‘rtinchi turida "Yuventus" yana "Makkabi" bilan o‘ynaydi, bu 11 oktyabr kuni bo‘lib o‘tadi.
