Madridning “Real” klubi Chempionlar ligasi guruh bosqichi 3-turi doirasida “Shaxtyor” bilan uchrashdi. “Qirollik” klubi raqibidan 2:1 hisobida ustun keldi.
Insayder Pedro Montananing ijtimoiy tarmoqlar orqali xabar berishicha, ushbu g‘alaba “qaymoqranglilar” ustozi Karlo Anchelotti uchun Chempionlar ligasidagi 102-bo‘ldi. Bu ko‘rsatkich bo‘yicha italiyalik mutaxassis "Manchester Yunayted"ning afsonaviy ustozi Aleks Fergyusonga yetib oldi. Bu ko‘rsatkichga erishish uchun Papa Karloga 182 o‘yin kerak bo‘lsa, shotlandiyalikka 190 ta o‘yin kerak bo‘lgan.
Qo‘shimcha qilamizki, ushbu reytingda uchinchi o‘rinni portugaliyalik Joze Mourinyo egallab turibdi - 151 uchrashuvda 96 ta g‘alaba.
