Мадриднинг “Реал” клуби Чемпионлар лигаси гуруҳ босқичи 3-тури доирасида “Шахтёр” билан учрашди. “Қироллик” клуби рақибидан 2:1 ҳисобида устун келди.
Инсайдер Педро Монтананинг ижтимоий тармоқлар орқали хабар беришича, ушбу ғалаба “қаймоқранглилар” устози Карло Анчелотти учун Чемпионлар лигасидаги 102-бўлди. Бу кўрсаткич бўйича италиялик мутахассис "Манчестер Юнайтед"нинг афсонавий устози Алекс Фергюсонга етиб олди. Бу кўрсаткичга эришиш учун Папа Карлога 182 ўйин керак бўлса, шотландияликка 190 та ўйин керак бўлган.
Қўшимча қиламизки, ушбу рейтингда учинчи ўринни португалиялик Жозе Моуриньо эгаллаб турибди - 151 учрашувда 96 та ғалаба.
