Krishtianu Ronaldu o‘tgan yozda "Bavariya"da o‘ynashi mumkin edi, ammo nemis grandi 37 yoshli portugaliyalik bilan shartnoma imzolashdan bosh tortgan.
Bu haqda klub bosh direktori Oliver Kan ma’lum qildi.
“Biz bu transferni klub ichida muhokama qildik. Albatta, bu transfer Bundesligaga katta e’tibor qaratilishiga olib kelardi, chunki Krishtianu super yulduz.
Ronaldu so‘nggi o‘n yillikning eng yaxshi o‘yinchilaridan biri, ammo biz bu transferdan tezda voz kechdik", - deydi Kan.
Krishtianu bu mavsumda "Manchester Yunayted"da omadsiz o‘ynamoqda. Portugaliyalik futbolchi Premyer-liganing oltita uchrashuvida gol urolmadi.
