Yaponiya futzal milliy terma jamoasi bosh murabbiyi Kenichiro Kogure Osiyo chempionatining yarim finalida bo‘lib o‘tgan O‘zbekistonga qarshi o‘yindan keyin matbuot anjumanida ishtirok etdi.

"Finalga chiqqanimizdan xursandman va o‘z o‘yinchilarim bilan faxrlanaman. Yakdil jamoa sifatida o‘ynaganimiz g‘alabamizning asosiy omili bo‘ldi.

Yaxshi natijaga erishish uchun biz qiyin vaziyatdan chiqib keta olishni bilishimiz kerak. Biz bugun aynan shuni amalga oshira oldik. O‘yinchilar bir-birlariga yordam berishdi. Biz nafaqat bugungi o‘yin davomida, balki mashg‘ulotlarda ham bir oila bo‘la oldik. Bu esa qiyin o‘yinlarda bizga yordam bermoqda.

Birinchi bo‘limda ko‘p vaziyatlarga ega bo‘ldik, zarbalar berdik. Ammo zarbalarimiz to‘sin va ustunlarga tegdi. Ammo biz to‘g‘ri hujum qilayotganimiz ko‘rinib turgandi. Tanaffusda men o‘yinchilarga shunday o‘yinni saqlab qolsak, albatta g‘alaba qozonishimiz mumkinligini aytdim.

Biz standartdan ikkita gol urdik. Bunday kominasiyalarni mashg‘uotlarda sinovdan o‘tkazgandik. Musobaqada g‘olib chiqish uchun yanada kuchliroq o‘ynashimiz kerak. Bugun darvozabonimiz Kuromoto ham qiyin pallada o‘zini ko‘rsata olishi mumkinligini namoyish etdi. U maydonga chiqib, ideal o‘yin namoyish etib berdi. Shuningdek, zaxiradan qo‘shilgan ikki futbolchimiz ham jamoaga yordam berdi. O‘ylaymanki, bunday jarayoni finalda ham davom etadi", — dedi Kogure.