Япония футзал миллий терма жамоаси бош мураббийи Кеничиро Когуре Осиё чемпионатининг ярим финалида бўлиб ўтган Ўзбекистонга қарши ўйиндан кейин матбуот анжуманида иштирок этди.

"Финалга чиққанимиздан хурсандман ва ўз ўйинчиларим билан фахрланаман. Якдил жамоа сифатида ўйнаганимиз ғалабамизнинг асосий омили бўлди.

Яхши натижага эришиш учун биз қийин вазиятдан чиқиб кета олишни билишимиз керак. Биз бугун айнан шуни амалга ошира олдик. Ўйинчилар бир-бирларига ёрдам беришди. Биз нафақат бугунги ўйин давомида, балки машғулотларда ҳам бир оила бўла олдик. Бу эса қийин ўйинларда бизга ёрдам бермоқда.

Биринчи бўлимда кўп вазиятларга эга бўлдик, зарбалар бердик. Аммо зарбаларимиз тўсин ва устунларга тегди. Аммо биз тўғри ҳужум қилаётганимиз кўриниб турганди. Танаффусда мен ўйинчиларга шундай ўйинни сақлаб қолсак, албатта ғалаба қозонишимиз мумкинлигини айтдим.

Биз стандартдан иккита гол урдик. Бундай коминацияларни машғуотларда синовдан ўтказгандик. Мусобақада ғолиб чиқиш учун янада кучлироқ ўйнашимиз керак. Бугун дарвозабонимиз Куромото ҳам қийин паллада ўзини кўрсата олиши мумкинлигини намойиш этди. У майдонга чиқиб, идеал ўйин намойиш этиб берди. Шунингдек, захирадан қўшилган икки футболчимиз ҳам жамоага ёрдам берди. Ўйлайманки, бундай жараёни финалда ҳам давом этади", — деди Когуре.